Игелек эшлә дә, суга сал - халык белер, халык белмәсә, балык белер ди халык мәкале. Җомга көнне, педагог-оештыручы һәм интернат тәрбиячеләре җитәкчелегендә оештырылган, мөмкинлекләре чикләнгән балалар белән очрашу әлеге мәкальнең дәлиле булып тора. Чыннан да физик яктан сау-сәламәт кеше өчен  янындагыларга изге гамәл кылу, ярдәм итү, күңелен күтәрү – ниндидер авырлык тудырырга тиеш түгел. Укучыларыбыз бу очрашуда һич авырыксынмыйча килгән балаларга җыр-биюләр, күңелле уеннар, тетральләштерелгән тамаша бүләк иттеләр, тәрбиячеләр исә кул эшләнмәләре буенча мастер-класслар үткәрде. Чәй табыны янындагы җанлы сөйләшүдән соң, волонтерлар оешмасы,  макулатура тапшырган акчаларына һәм гимназия җитәкчелеге ярдәме белән тутырылган күчтәнәч каплары кунак булып килгән балаларга тапшырылды. Сабыйлар күңеле тагында күтәрелеп, бәйрәм рухы белән сугарылды.