Кызганычка каршы тормыш  гел уңай күренешләрдән генә тормый, кайвакыт җәмгыятькә, кеше шәхесен зарарлауга юнәлдерелгән очраклар да килеп туа. Яшүсмерләр арасында тиз арада популярлык алган “снюс” – никотинлы матдәләрнең килеп чыгуы һәм кулланылышка кереп китүе шундыйлардан булып тора. Планнан тыш оештырылган ата-аналар җыелышы да әлеге “замана чире”нә багышланган иде. Актаныш муниципаль район башлыгы  Фаттахов Энгель Нәвап улы, Актаныш районы прокуроры Аскаров Рамил Камил улы, Россия эчке эшләр министрлыгының Актаныш районы бүлеге җитәкчесе, полиция подполковнигы Хәйретдинов Ильшат Илфир улы, табиб-нарколог Минхуҗин Ленар Сәүбән улы катнашында үткәрелгән җыелышта бу афәтне туктату, укучыларның сәламәтлекләрен саклау юллары турында сөйләшенде, ата-аналарга мәгълүматлар җиткерелде.