Традицион рәвештә, уку елы ахырында, Әлфия Афзалова исемендәге район мәдәният йорты бинасында гимназия алдынгыларын хөрмәтләү тантанасы булып узды. Әлеге чара район башлыгы Энгель Нәвап улы Фаттахов, Татарстанның халык шагыйре, Татарстан Республикасының  Г.Тукай исемендәге Дәүләт премиясе лауреаты, Татарстан Республикасының Дәүләт Советы депутаты Рәзил Исмәгыйль улы Вәлиев, Бөтендөнья татар конгрессы Башкарма комитеты җитәкчесенең  яшьләр иҗтимагый оешмалары белән эшләүче урынбасары Тәбрис Мөдәрис улы Яруллин, Казан шәһәренең “Талантлар университеты” башкарма директоры Айдар Фәрит улы Акмалов һ.б. мәртәбәле кунаклар, республика вакытлы матбугать чаралары катнашында үтте. Спорт, сәнгать, мәдәният, уку, олимпиада юнәлешләрендә уңышка ирешкән укучылар һәм тәрбияче-укытучылар кунакларыбыз кулыннан, гимназия җитәкчелегеннән төрле дәрәҗәдәге мактау һәм рәхмәт хатлары, истәлекле бүләкләр алдылар. Бәйрәмнең югары ноктасы  рейтингта иң күп балл җыйган укучыларны тәбрикләү өлеше булды. Өч яшь категориясендә беренче урынга лаек булган укучылар кыйммәтле велосипедлар белән бүләкләнде.