Гимназия коллективының зарыгып көткән чарасы – студентлар белән очрашу бәйрәме булып узды. Әлеге көн чыннан да зур бәйрәмгә әверелде, чөнки студентларның да, укытучыларның, укучыларның да күрешеп, сөйләшер сүзләре бетмәде. Очрашу программа нигезендә, көн дәвамында барды. Квест, укучылар – укытучылар – студентлар командалары арасында футбол ярышы, кичке мәдәни чара, чәй табыны артында гәпләшүләр, дискотека – болар барысы да укучылар һәм студентларыбызда күтәренке кәеф, позитив хисләр тудыргандыр дип ышанып калабыз. Ерак араларны якын итеп кайткан студентларга чиксез  рәхмәтләребезне җиткерәбез, киләчәктә дә араларны суытмыйча, хәбәрләшеп торырбыз дип ышанып калабыз, укуларында, хезмәт юлында уңышлар телибез. Шулай ук очрашуга студентларны җыюда башлап йөрүче, студентлар ассоциациясе җитәкчесе Шәйхин Айдар Рәсим улына һәм чараны әзерләү-үткәрү вакытында зур көч куйган гимназия укучылар үзидарәсе командасына, гимназия администрациясе  исеменнән рәхмәт белдерелә.