Бер җылы сүз җитә җанга... Тормышта бар кеше дә бертигез түгел, шул исәптән сәламәтлек ягыннан да. Ләкин шуңа да карамастан, барыбыз да тигез хокуклы һәм яшәргә хаклы. Инвалидлар ункөнлеге кысаларында үткәрелгән чаралар да нигездә, шушы тигезлекне аңлату, тормыш сынаулары алдында югалып калмау кебек төшенчәләргә басым ясап оештырыла. “Бүләк” интернатында сәламәтлекләре чикләнгән балаларга багышлап үткәрелгән бәйрәм моның ачык мисалы. Укучылар һәм тәрбиячеләр әлеге балаларга һәм әти-әниләргә концерт номерлары күрсәттеләр, уеннар уйнаттылар, чәй табыны янында күңелләрен күрделәр. Интернат мөдире Глүзә Нурлыгаяновна кечкенәләрне төрле бүләкләр белән сөендерде. Балалар күтәренке күңел белән өйләргә таралдылар.