Актаныш муниципаль районы Башкарма комитет җитәкчесе Энгель Нәвап улы Фаттахов катнашында оештырылган әлеге чарада заманча татар балалар каналының әһәмияте,  татар телендәге тапшыруларның тәрбия эшендәге роле турындагы мәсьәләләр күтәрелде. Берләшмә җитәкчесе, педагогик фәннәр кандидаты, Татарстан Республикасы Атказанган  мәдәният хезмәткәре Сәхәбетдинова Рәмилә Әхмәтзакир кызы укучылар белән очрашуда, эфирда үзенең беренче адымнарын ясап килүче “Шаян ТВ” телеканалы турында сөйләде, кызыклы телевизион проектлар белән таныштырды. Укучылар үзләрен кызыксындырган сорауларга җаваплар алдылар, иң активлары “ТНВ” каналының истәлекле бүләкләренә лаек булды. Гимназиянең чыгарылыш укучысы Шәйхуллина Фирүзәнең дә әлеге иҗат төркемендә хезмәт куюы  бигрәк тә куанычлы.