Үзеңдә булган иҗади сәләтне тагын да ныграк үстереп, җәмгыятьтә үз урыныңны табардай шәхес булып үсәргә, чит телләрне тирәнтен өйрәнергә, аерым дәресләрне югары уку йортлары галимнәреннән алырга телисең икән, без сине “Сәләтле балалар өчен гуманитар гимназия-интернат” дәүләт автоном гомүмбелем учреждениесендә көтәбез.
Аерым сәбәпләр аркасында 28 нче май көнне сайлап алу турында катнашмаган укучыларны 5 нче июньдә гимназиягә чакырабыз. Сайлап алу сынаулары 9 сәгатьтә башлана. Үзегез белән портфолио һәм еллык билгеләр турында белешмә алып килүегез сорала. Хәбәрләшү өчен телефоннар: 89061229797, 89274407772.

28 нче май көнне уздырылган гуманитар гимназия-интернатка сайлап алу турыннан үтүчеләр исемлеге билгеле булды.

Бүген 9 нчы сыйныф укучылары өчен беренче имтихан уздырыла.

Бүген 11 нче сыйныф укучылары рус теленнән БДИ тапшыралар. Аларга уңышлар телибез.

28 нче май көнне гимназия-интернат бинасында укучыларны сайлап алу туры үткәрелә. Башлана 8.00. Рәхим итегез!

Бүген, 25 нче май көнне, чыгарылыш сыйныф укучылар өчен соңгы звонок яңгырады.

Гимназия-интернат Казан шәһәрендә узган Туган тел көненә багышланган Бөтенроссия форумында күргәзмә белән катнашты.

Бүген гимназия-интернат базасында "Гамил Афзал укулары" республикакүләм фәнни-тикшеренү конференциясе узды. Конференцияда республикабызның  30 лап районыннан 150 гә якын педагог катнашты.

Кичә Актанышның тантаналар залында халыкара, бөтенроссия, республикакүләм олимпиада җиңүчеләрен котладылар. Гимназия-интернат барлык олимпиадалар нәтиҗәсендә районда беренче урынга лаек булды.

Гимназия-интернатның 8 нче сыйныф укучылары Анамова Диләфрүз һәм Гатина Резеда "Татарстан эрудитлары - 2013" республикакүләм конкурста уңышлы чыгыш ясап, Мәгариф һәм фән министрлыгының Мактау грамоталары белән бүләкләнделәр.