"Каенкай" балалар бакчасы балалары бүген "Карга боткасы" бәйрәмендә булдылар. Иртән һава торышы җиләс булса да, балаларны кояш үзенең җылы нурлары белән каршылады. Бакчабыз янында гына булган зур мәйданда балалар рәхәтләнеп уйнадылар. Иң беренче итеп, балалар төркемнәре белән түгәрәкләнеп утырып, үзләре алып килгән тәмлүшкәләрен иптәшләре белән бүлешә-бүлешә сыйландылар, рәхәтләнеп йөгерештеләр, туплар белән уйнадылар. Аннары инде бәйрәмебез ярыш уеннары белән дәвам итте: йомырка салынган кашыкны кабып йөгерделәр, капчык киеп сикерделәр, аркан тартыштылар. Азактан мәйдандагы чүпләрне җыештырып, пакетларга тутырып куйдык. Балалар бәйрәмне бик ошатып, канәгать булып, икенче елга да киләбезме дип, елмаешып, саубуллашып кайтып киттелэр.
Физик культура инструкторы: Шәйхетдинова Р.Ф.