14 август көнне балалар бакчасы тәрбиячеләре Актаныш 2нче балалар бакчасы базасында үткәрелгән район мәктәпкәчә белем бирү учреждениеләре педагогларының август кинәшмәсенең секция утырышы эшендә катнаштылар. Секция утырышы кысаларында үткәрелгән "Авторлык дидактик уены" конкурсына тәрбиячеләр үзләре ясаган дидактик уеннары белән катнаштылар.

  Зурлар төркеме балалары барлык балаларны серле әкиятләр иленә чакырдылар, "Теремкәй" кашыклар театрын күрсәттеләр.

 1 июнь - Халыкара балаларны яклау көне уңаеннан Актаныш китапханәсе үткәргән "Күңелле балачак" бәйрәмендәге "Коляскалар парады" конкурсында тәрбияче Габдрахманова Э.Р. бизәгән коляска 1 урын алды. Хезмәттәшебезне котлыйбыз һәм башка конкурсларда да уңышлар телибез!

                                        Шатлыклар -  күңелебездә,

                                        Ал кояш  -  күгебездә!

                                        Килеге,  дуслар, кунакка -

                                        Сабантуй бүген бездә!

31 май көнне мәктәпкә әзерлек төркеме балалары белән  "Хуш, сөекле бакчабыз!" бәйрәм кичәсе үтте.

                            Бакча белән саубуллашу көне -

                            Ул гаҗәеп моңсу, сагышлы.

                            Шундый көн бу - олы бәйрәм үзе,

                            Үзгәртә дә куя тормышны.

                                                           Тик нишлисең, яшең тулган,

                                                           Тормыш бит шулай куша.

                                                           Балачакның бер баскычы

                                                           Мәктәп белән тоташа.

    Гаилә көне уңаеннан балалар бакчасында әти-әниләр һәм балалар белән "Бергәләп уйныйбыз", "Әти, әни, мин - спорт гаиләсе" темаларына кичәләр, "Тәрбия гаиләдә башлана" темасына җыелышлар, балалар белән әңгәмәләр, тематик шөгыльләр, уеннар үткәрелде.