Әниләр көне уңаеннан балалар әниләрен, дәү әниләрен балалар бакчасына кунакка чакырдылар һәм аларга үз котлауларын җиткерделәр.

  ТР Фән һәм мәгариф Министрлыгы "Салават күпере" һәм "Сәхнә" журналлары редакциясе белән берлектә белем бирү оешмалары арасында оештырган Балалар һәм яшүсмерләр театрларының республика фестивалендә бакчабызның мәктәпкә әзерлек төркемнәре театр коллективлары да катнашты. 23 ноябрь көнне фестиваль-конкурсның зона этабында чыгыш ясарга лаек булган мәктәпкә әзерлек Б төркеме балалары килгән жюри составына "Төлке, куян һәм әтәч" әкиятен күрсәттеләр. 

   14 ноябрь көнне мәктәпкә әзерлек төркемнәре балалары Актанышыбызның Туган як музеена сәяхәт иттеләр. Балалар музей экспонатлары аша туган ягыбызның табигате турында белемнәрен баеттылар, аның тарихы, танылган кешеләре белән таныштылар.

   В детском саду ведется работа по обучению детей двум государственным языкам РТ.  С воспитанниками подготовительных к школе групп были организованы праздники на русском языке.  В подготовительной А группе праздновали "Осеннюю ярмарку", а в подготовительной Б группе проводился "Яблочный спас".

                       Так давайте славить осень

                       Песней, пляской и игрой,

                       Будут радостными встречи,

                       Осень, это праздник твой !

   16-18 октябрьдә бакчабызда Көз бәйрәме иртәләре үткәрелде.

  Мәктәпкә әзерлек Б төркеме балалары Актаныш үзәк китапханәсенә бардылар, аның эшчәнлеге белән таныштылар, китаплар турында мәгълүмат алдылар.

  Бакчабызда эшләп килүче логопунктта укытучы-логопед Набиева Ч.Д. сөйләм үсешендә җитешсезлекләре булган балалар белән даими эшчәнлек алып бара. Балалар белән индивидуаль эшчәнлектә авазларны әйтүдә булган кимчелекләрне бетерү, аларны сөйләмгә кертү өстендә эш үткәрелә. Балаланың сөйләмендә кимчелекләрне коррекцияләү, ата-аналар белән бердәм эшчәнлек булганда  гына уңай нәтиҗә бирә.  Әти-әниләр белән бергәләп семинар-практикумнар, консультацияләр  оештырыла. Бу юлы да әти-әниләр “Шаян телне уйнатыйк” исемле семинар-практикумга җыелдылар. Анда әти-әниләр гомуми артикуляция гимнастика күнегүләрен өйрәнделәр.

   5 октябрь көнне мәктәпкә әзерлек А һәм мәктәпкә әзерлек Б төркемнәре балалары бакчабызга кунакка әби-бабайларын чакырдылар, аларны Халыкара өлкәннәр көне белән котладылар.

  3 октябрь көнне балалар бакчасына озак еллар шушы бакчада хезмәт куеп, лаеклы ялга чыккан өлкәннәребез кунакка килде. Аларны Халыкара өлкәннәр көне уңаеннан зурлар төркеме балалары бәйрәм белән котладылар.

   28 сентябрь көнне балалар бакчасы тәрбиячеләре Укытучылар көне уңаеннан район мәдәният сараенда үткәрелгән бәйрәм кичәсендә катнаштылар. Әлеге бәйрәмдә бакчабыз тәрбиячесе Ахметова Светлана Ихсангали кызы  Россия Федерациясенең Фән һәм мәгариф Министрлыгының Мактау кәгазе белән бүләкләнде. Котлыйбыз !