Россия – күп милләтле ил. Татарлар, руслар, башкортлар, марилар һәм башка халыклар тату яши. Һәр милләтнең үз теле, гореф-гадәтләре бар. Ләкин безне берләштергән уртак Ватан – Россия. Без дә бакчабызда Халыклар бердәмлеге көнен билгеләп үтәбез. Бу бәйрәм 1612 елда халык ополчениесе илне дошманнардан азат иткән көн. Нәкъ безнең балалар бакчасында да бу көнне “Дуслык агачы” ясадык. Без аны зур ак ватманга төшердек. Тамырлары – уртак тарих, ботаклары – төрле милләт вәкилләре, яфраклары – дуслык. Агачны ясаганда, без шундый уйга килдек: кешеләр төрле телдә сөйләшсәләр дә, дуслык агачы бер генә. Аны саклау өчен, бер-беребезне хөрмәт итәргә кирәк. Халык бердәмлеге көне – күңелләрне берләштерүче якты көн. Дуслык агачыбыз мәңге яшел булсын!