Балалар бакчасында үткәрелүче 8 март бәйрәмнәре ул иң матур бәйрәмнәрнең берсе. Балалар әниләренә, дәү әниләренә, әби-апаларына багышлап җырлар, биюләр башкаралар, котлау, тәбрикләү сүзләрен шигъри юллар аша җиткерәләр. Матур, нәзәкатьле чыгышлар йөрәккә үтеп керә, күзләр яшьләнә. Бүген, бакчабызда, зурлар төркеме балалары катнашында Халыкара хатын-кызлар көненә багышланган "Әнием кадерлем!" дип исемләнгән бәйрәм иртәсе узды.Бәйрәмдә бик күп кунаклар: әбиләр, әниләр, балалар бакчасы хезмәткәрләре катнашты.Безнең бәйрәм тантаналы, шатлыклы, якты музыкаль тамаша рәвешендә барды.Балалар әниләренә, әбиләренә үз куллары белән ясаган бүләкләр тапшырдылар. Әниләр бик канәгать калдылар һәм балаларның уңышлары белән горурландылар.