Космонавтика көне-ул кешелекнең Галәмнең өйрәнелмәгән киңлекләрен үзләштерүдәге бөек казанышларын искә алу бәйрәме. Нәкъ менә шушы истәлекле вакыйга уңаеннан мәктәптә  түбәндәге  чаралар узды - бу «космик сәяхәт», «космик талисман» мастер-класслар «Гагарин исемле йолдыз» фильмын карау, онлайн-викторина. 2-9 сыйныфларда укучылар илебез космонавтикасының казанышларын, йолдызларга юл ачып, батырлык кылган беренче космонавтлар турында белделәр. Юрий Гагарин, Валентина Терешкова һәм Космосның башка геройлары турындагы тарихлар балаларны илһамландырды һәм үз иле өчен горурлык хисе уятты. Космонавтика көненә ачык рәсемнәр күргәзмәсе үзе ни тора! Һәр рәсем-ул ерак йолдызлар һәм яңа ачышлар турындагы хыяллар белән тулган тулы бер галәм. "Космоска юл" уены... Анда яшь космонавтлар үзләренең белемнәрен һәм тапкырлыкларын тикшерделәр. Мәктәп китапханәсе дә игътибарсыз калмады , анда тәнәфес вакытында балалар рәхәтләнеп бардылар һәм космонавтика казанышлары, космосны тикшерүләр һәм космонавтлар тормышы турында сөйләүче китаплар һәм публикацияләр белән таныштылар. Бу көнне үткәрелгән чаралар нәтиҗәсендә балалар космос турында күбрәк белеп кенә калмадылар, ә үзләренең иҗади сәләтләрен үстерделәр, командада эшләргә өйрәнделәр һәм фантазия күрсәттеләр.