Яз белән бергә безгә искиткеч бәйрәм – Халыкара хатын-кызлар көне-8 Март килә. Бу көн кояш нурлары, хатын-кыз елмаюлары белән җылытыла. Мәктәптә бу көнне «Яле, кызлар! " дигән кызыклы һәм күңелле программа белән билгеләп үтәргә булдылар. Бәйгедә 1-8 класс кызлар командалары катнашты. Чарада катнашучылар «Визитка», «хуҗабикә» бәйгеләрендә көч сынаштылар, җырладылар, биеделәр. Кызлар кул эшчеләре дә, модельерлар да, атаклы хуҗабикәләр дә булдылар, артистлыклары, тапкырлыклары белән безне сөендерделәр, күңелләрне күтәрделәр. Сынау йомгаклары буенча 1-8 сыйныфлар арасында дуслык җиңеп чыкты. Күңелле һәм шаян конкурслар беркемне дә битараф калдырмады. Залдагыларның барысы да энергия алдылар һәм үткәргән көннән канәгать калдылар.