13 февраль көнне Аккүз төп гомуми белем бирү мәктәбендә район китапханәчеләренең  семинары булды. Семинар ике өлештән торды. Беренче өлештә китапханәчеләр мәктәпнең “Туган якны өйрәнү” музее һәм мәгариф музее, Бөек Җиңүнең 80 еллыгына багышлап оештырылган күргәзмә белән таныштылар.Икенче өлеш “Шушы җирдән, шушы туфрактан без”дип аталган әдәби-музыкаль кичә белән башланып китте.Кичәдә укучылар,мәдәният хезмәткәрләре дә катнашты.Төп кунагыбыз – шагыйрә Лилия Гыйлем. Шулай ук кунагыбызның тормыш юлына багышланган презентация күрсәтелде, шигырьләре сөйләнелде. Әлбәттә, шагыйрә үзе дә сүз алды,яңадан-яңа шигырьләре белән безне сөендерде. Соңыннан районнан килгән методистыбыз Акмалова Илина Илфар кызы чыгыш ясады. Семинар түгәрәк өстәл артындагы киңәшмә өлеше белән тәмамланды. Китапханәчеләр узләрен кызыксындырган сорауларын бирделәр, бер-берсе белән фикер алыштылар. Әлеге очрашуда килгэн кунаклар рухи азык һәм  файдалы мәгълумат алып китте.