Татарстан Республикасында “Мин татарча сөйләшәм” акциясе үтә. Бу акция буенча эш безнең Кәкре күл  урта мәктәбендә ел саен киң колач җәеп үткәрелә. Һәр ел аны төрлечә үткәрергә, күбрәк укучыларны җәлеп итәргә тырышабыз. Чарага шулай ук ата-аналар да, авыл халкы да теләп катнашалар.Быелгы акциядә без Кәкре күлне генә түгел, күрше авылларны да җәлеп иттек. Бу Түбән Баланда, Яңа Александровка Һәм Карасу авыллары. Укучылар үз куллары белән төрле өлкәләргә караган сүзлекләр ясадылар. Алар  кибетләрдә, балалар бакчасында, элемтә үзәгендә, китапханәдә һәм башка җәмагать урыннарында  булып,  аларны тараттылар.Барлык җирдә дә укучыларны яхшы кәеф белән каршы алдылар. Сүзлекләр ярдәмендә татарча сөйләп карадылар. Укучылар барысын да татарча өйрәнергә өндәделәр,чөнки без  татар теле һәм рус теле дәүләт телләре булган Татарстанда яшибез.