24 сентябрь көнне Салагыш башлангыч сыйныф укучылары белән " Сөмбелә" бәйрәме узды. Укучылар бәйрәмнең тарихы турында белемнәрен ныгыттылар. Яшелчәләр, җиләк- җимешләр турында табышмакларга җаваплар таптылар. Үзләре үстерүдә булышкан жиләк- җимешләрдән күргәзмә оештырылды. Барлык укучылар да күргәзмәгә куелган бакча җимешләре турында бик кызыклы итеп сөйләделәр. "Тавык, тычкан һәм көртлек" әкиятен сәхнәләштереп, хезмәтнең кеше тормышындагы ролен билгеләделәр. Табын күрке- икмәк, аны кадерләргә кирәклеге аңлатылды. Бәйрәм көз, уңыш турындагы җырлар, шигырьләр белән үрелеп барды. "Гөмбә бию"ен балалар бик яратып башкардылар. Чара " Очты- очты-", "Кем өлгер" уены белән төгәлләнде. Укучылар Сөмбеләнең тәмле күчтәнәче белән дә сыйландылар. Күкләребез аяз, табыннарыбыз мул, барыбыз да сәламәт булыйк. Бәйрәмне оештыруда катнашкан әти- әниләребзгә бик зур рәхмәт. Шулай бердәм булыйк, бергә булыйк.