Салагыш мәктәбендә 9 нчы сыйныф укучыларының соңгы дәресе оешкан төстә үтте. Дәрестә беренче һәм югары сыйныф укытучылары, әти-әниләре дә катнашты. Һәркем өчен дулкынландыргыч бу дәрес сыйныф җитәкчесе Ясавиева Эльвира Дөлфәт кызының һәр бала турында якты истәлекләрдән торган чыгышыннан башланды. Беренче укытучылары балачакны искә төшерсә, югары сыйныф укытучылары бүгенге көндәге егетләр - кызлар турында сөйләде. Әти-әниләр дулкынланып балаларга белем биргән укытучыларга зур рәхмәтләрен җиткерделәр, балаларга киләчәк тормышларында терәк булулары турында тагын искәрттеләр. Дәрескә чакырулы һәркем үз чыгышында балаларга имтиханнарында уңышлар теләде. Соңгы сүз балаларга бирелде. Алар шатлыкларны да, уңышларны да уртак бүлүче сыйныф җитәкчесенә, укыткан укытучыларына рәхмәт сүзләрен әйттеләр.