Бүген Ямурза авылы мәктәбендә "Ягез әле, кызлар!" бәйгесе үтте. Бәйге Халыкара хатын-кызлар көненең тарихы белән таныштырудан башланып китте.Хөрмәтле жюри членнары булып  Закирова Л. М. җитәкчелегендә 3-4сыйныф малайлары  өстәл артына үттеләр .Кызлар ике командага бүленеп 11төрле бәйгедә көч сынаштылар. Алар тапкырлыкта , җитезлектә , осталыкта үзләрен уңай яктан гына күрсәттеләр. Иң киеренке көрәш табын әзерләүдә булды:ашъяулык җәю, савыт-сабаны дөрес итеп тезү, бизәү, салфеткаларны матурлап кую һәм дәлилләп аңлату. Жюри членнары игътибар белән  күзәтеп, ике команда кызлары да уңган, тапкыр, тыйнак дип бәйгегә нәтиҗә ясадылар. Киләчәктә кызларыбызга һәрвакыт уңышлар  юлдаш булсын !