Ямурза һэм Салагыш авылларының башлангыч сыйныф укучылары һәм укытучылары өчен Салагыш авыл музее җитәкчесе Хәлимә апа Хөснетдинова бик җылы очрашу үткәрде. Авыл музее экспонатларга, төрле темадагы экспозицияләргә бик бай икәне ишекне ачып керүгә күренеп тора. Алар һәр берсе зәвыклы итеп урнаштырылган. Очрашу музей кагыйдәләре һәм һәркем үзе белән таныштырудан башланып китте .Очрашу Ленинград шәһәрен фашистлар блокадасыннан тулысынча азат итү көненә багышланды. Ленинград блокадасына Салагыш җирлегеннән 15 кеше элэккэн. Шуларның бары тик 4кеше генэ Ленинград блокадасыннан туган якларына әйләнеп кайта алган. 

     Бөек Ватан сугышына багышланган экспозиция күрсәтмә материалларга, фоторәсемнәргә, сугыштан килгән өчпочмаклы хатларга бик бай. Алар аша балаларга сугышның бик куркыныч афәт икәнлеге, фаҗигасы турында аңлаешлы итеп бәйнә-бәйнә сөйләде. Шул ук вакытта Советлар Союзы Герое исеменә лаек булган Шәмсетдинов Гали,   Гайнуллин Рифкать турында бай мәгълүмат бирелде.Алар-безнең горурлыгыбыз!

     Балаларда үз илеңнең, авылыңның тарихын белергә теләү  омтылышы , якташларың өчен горурлык хисләре тудырганы  өчен бик зур рәхмәт. Ил-күкләребез тыныч булсын!