Ямурза авылыннан үзебезнең мәктәп  укучылары Галиев Ринат Рузәл улы белән Самигуллин Дамир Илгиз улы быел уз теләкләре белән МХОга китәләр. Ләкин аларга анда озак булырга туры килми. Ринатның гомере июнь аенда, Дамирныкы июльдә өзелә. Ринатны октябрь аенда табып алып, Казанда (гаиләсе шунда яши), Дамирны сентябрь ахырында Чаллыда ( сеңлесе шунда яши) җирләделәр. Шул унайдан мәктәптә  Герой партасы ачып, исемнәрен мәңгеләштерү теләге белән, укытучылар Закирова Л.М. һәм Миннибаева И.А. чара оештырды.

  Чарага Ринатның әнисе Нәфисә апа да килде. Балаларга үзебезнең җирлектән МХО да булган егетләрнең фотолары күрсәтелде,  алар белән  таныштырылды. Шулай ук Әфган һәм Чечня бәрелешләрендә катнашкан егетләрнең дә фотолары күрсәтелде.  Балалар шигырь сөйләделәр, Нәфисә апа улы  Ринат турында истәлекләре белән бүлеште. 

     Герой партасы артына иң беренче булып, "5" ле билгесенә генә укучы Сахипова Әминә утырды. Укучылар шулай ук Галиев Альмирны утыртырга тәкъдим иттелэр. Альмирның әтисе Чечняда булды, туган абыйсы Әфганстанда, Ринат аның әтисенең абыйсы. Ахырда Нәфисә апага очрашу истәлеге тапшырылды.  Ул рәхмәт әйтеп, балаларга тыныч тормышта яшәүләрен теләде.