Бүген, 11 нче ноябрьдә Ямурза башлангыч белем бирү мәктәбендә 1-4 сыйныф укучыларын «Россия бөркетләре» бөтенроссия иҗтимагый оешмасына багышлау тантанасы узды. Бу оешма Россия балалар һәм яшьләр хәрәкәтенең беренче баскычы булып тора.
Бу тантаналы чара балалар өчен аеруча мөһим, чөнки ул маҗаралы илгә ишек ача! Укытучылар Ләйсирә Муллаян кызы һәм Индира Әхтәм кызы Бөркет булу - ул намус кына түгел, ә җаваплылык та, бу һәрнәрсәдә һәм һәрвакыт алда булу, үзендә Ватанга мәхәббәт, тырышлык һәм белемгә омтылыш, намуслылык, тыйнаклык, дисциплиналылык һәм дуслык тәрбияләү дигәнне аңлату икәнен сойләделәр. Малайлар һәм кызлар ел дәвамында узачак треклар белән таныштылар.Шулай ук авыл гербына оештырылган конкурска нәтиҗә ясалды,җиңүче итеп Азалия Сабирзянова билгеләнде.
Хәрәкәтнең яшь катнашучыларына «Россия бөркете» билгеләрен бирүнең мактаулы хокукы тәрбия эшләре буенча директор киңәшчесе Шайхетдинова Йолдыз Азат кызына бирелде.

Ант биреп, 1нче сыйныф укучылары «Россия бөркетләре» сафына керде.Тантаналы бәйрәм азагында Йолдыз Азатовна укучыларга мастер класс күрсәтте.
Укучыларга ясаган уенчык белән ярыш уздырылды.Барлык укучыларга да бүләкләр тапшырылды .