13 ноябрь көнне Салагыш башлангыч сыйныф укучылары белән "Шәфкатьлелек бизи кешене" темасына чираттагы тәрбия сәгате узды. Дәрес әниләренә карата шәфкатьсез булган кыз турында хикәя укудан башланды. Укучылар әниләргә карата шәфкатьсез, миһербансыз булырга ярамаганлыгы турында үз фикерләрен әйттеләр. Шәфкатьлелекнең кызгану, мәрхәмәт, яхшы, киң күңелле, ярдәмчел, игелекле булу дигән мәгънәгә ия булуы ачыкланды. 13 ноябрь- игелеклелек көне икәне искәртелде. Бүгеннән башлап, һәр укучы шәфкатьле, игелекле булырга сүз бирде. "Син нинди" дигән сорауга җавап бирү өчен анкета сорауларына җавап бирдек. "Яшь бөркетләр" дәфтәрендә " Нәрсә ул яхшы, нәрсә ул начар" бүлегендә үзебезнең эш- гамәлләребезне язып барырга дип, әңгәмәгә йомгак ясадык.