14 ноябрь көнне Салагыш башлангыч сыйныф укучылары белән "Россия- минем горизонтым"циклыннан "Һәр эшнең үз вакыты" темасына чираттагы әңгәмә уздырылды. Укучылар вакыт төшенчәсенә аңлатма бирделәр. Вакытны үлчи торган җайланма- сәгать төрләре белән таныштылар. 1 минутта 2700 китап, 22 мең кв м тукыма, 7 машина эшләп чыгарып булуын белделәр. Көндәлек режим белән яшәгәндә, вакытны файдалы итеп үткәргәндә барлык эшкә дә өлгереп була, дигән нәтиҗә ясау белән әңгәмә төгәлләнде.
Ямурза мәктәбендә класс сәгате Ветеринар һөнәренә багышланды. Ветеринар җирдә иң катлаулы һөнәрләрнең берсе булып санала. Хайваннар үз авыруларын аңлатып бирә алмыйлар. Хайваннарны чын күңелдән яратканда, ныклы белемле булганда гына аларга ярдәм итү мөмкинлеге ассызыкланган мультфильм карадылар. Әңгәмә ахырында эшкә җаваплы караганда гына уңышка ирешеп булачак дип нәтиҗә ясадылар.