16 ноябрь - Халыкара толерантлык көне. Бер - береңә ярдәм кулы сузу, дус һәм тату яшәргә , дуслыкның кадерен белергә өйрәтү , бер - береңне хөрмәт итү, игелекле , мәрхәмәтле, гадел, яхшы күңелле булу, ярату, олыларны - олы, кечеләрне - кече итү, бердәм һәм бергә булу сыйфатларын ,үз эченә алган бу төшенчә. Шул уңайдан, 5, 6нчы сыйныф укучылары авылыбыз китапханәчесе Раилә Рәвил кызы Тимофеева белән берлектә, " Толерантлык чәчәк таҗларында " исемле тәрбия сәгате уздырдык. Дәрес барышында укучыларны, галимнәр һәм язучылар тарафыннан әйтелгән, матур әйтемнәр, фикерләр белән таныштырдык. Укучылар толерантлык турында аңлаганнарын, чәчәк таҗларына төшерделәр һәм толерантлыкны күзаллап, рәсемнәр ясадылар. Дәрес ахырында һәр укучы, үзләренең матур, изге эшләре, гамәлләре турында сөйләделәр. Тәрбия сәгате бик күңелле һәм эчтәлекле узды. Җирдәге барлык балалар тынычлыкта, дуслыкта яшәсеннәр. Һәрвакыт якты, җылы кояш чыксын, күкләр аяз булсын. Һәрвакытта да гаделлек, дөреслек, бер - береңне аңлау, хөрмәт итү хакимлек итсен.