Лагерьның өченче көне " Сулыклар" га багышланды. Мөхәммәт көнне зарядка белән башлады.Үги ана яфрагы дару үләне буларак өйрәнелде. Сулыклар һәм андагы тереклек турында, презентация карадык, белемнәр әңгәмә нигезендә ныгытылды. Оригами ысулы белән кәгазьдән үрдәк ясауга мастер - класс үтте. Үрдәкләрне бассейнда, соңыннан су буенда йөздереп карадык. Су буена төшәр алдыннан ' Сулыкларда куркынычсызлык кагыйдәләре" искәртелде, инструктажга кул куелды. Ял минутында бергәләп пазлдан әкияти күренеш җыйдык. Күңелле уеннар уйнаганнан соң, мультфильм карау оештырылды. Көнгә нәтиҗәне көндәлекләренә яздылар. Көн турында булган фикерләр дәфтәр битенә теркәлде.