Лагерьның икенче көне, 4 июнь, "Күңелле җәй" темасына багышланды. Тулы төркем белән көнебезне зарядкадан башладык. Җәйге байлык булган "Дару үләннәре" белән танышу альбомын өйрәнү, команда почмакларын урнаштыру дәвам итте. Тузганак чәчәгеннән такыя үрү мастер- классыннан соң һәркем тәкыя кию теләге белән чәчәкләр җыйды. Якты кояш булып үзенә тартып торучы бу чәчәктән такыялар үреп башларына кигәч җәй турындагы җырлар, шигырьләр искә төшерелде. Резедә Вәлиеваның "Яңгыр чакыру" шигырен кулланып көнгә сафлык теләп яңгыр чакыру башкарылды. Яраткан җәй фасылын рәсемгә сурәтләү дә чын күңелдән эшләнде. Көнебез ахыры күңелле уеннар белән якынлашты. Нәтиҗә ясау, саубуллашу вакытында балалар көн барышында үзе өчен алган яңалыклар белән уртаклашты.