5-октябрь – Бөтен ил күләмендә Укытучылар көне буларак билгеләп үтелә. Салагыш урта мәктәбендә шушы бәйрәм уңаеннан  ветеран укытучылар белән очрашу уздырылды. Чараның бер өлеше  остазларыбыз , бүгенге көндә эшләүче укытучылар һәм укучылар арасында “Хәтер-хәтирә” дип исемләнгән әңгәмә рәвешендә оештырылды. Укучылар ветеран укытучыларга үзләрен кызыксындырган сорауларын бирделәр, ветераннарыбыз үзләренең уй-фикерләре белән уртаклаштылар, һөнәри хезмәт еллары, ул вакытлардагы  укыту-тәрбия эшләре турында сөйләделәр,  яшь буынга киңәшләрен җиткерделәр. Чара  ветераннарга багышлап әзерләнгән котлау чыгышлары белән дәвам итте. Бәйрәм  күңелле чәй табыны белән тәмамланды.