1 июнь- җәйнең беренче көнендә иң матур һәм якты бәйрәмнәрнең берсе Халыкара балаларны яклау көнен бәйрәм итәбез.

Кадерле укучылар! Сез бу дөньяга бәхетле булыр өчен тугансыз. Ә без - олылар сезгә игьтибарыбызны, мәхәббәтебезне бүләк итәбез, ярдәм кулы сузарга әзер торабыз. Сезнең киләчәкне бәхетле итү- безнең бурыч ул...Шул уңайдан бүген Кама буенда, ачык һавада укучылар белән ял итү оештырылды. Балачак бәйрәме төрле ярышлар, уеннар, көч сынаулар белән үрелеп барды. Укучылар оештырылган һәр уенда, ярышларда актив катнаштылар. Бәйрәм ахырында кайнар чәй, тәмле шулпа, күчтәнәчләр белән сыйландык. Бу бәйрәмне оештыруда үзләреннән өлеш керткән һәр хезмәткәргә, аш- су осталары Гөлзирә һәм Фәнисә апаларына, шофер абыйлары Дениска, спорт уеннарын оештыруда зур көч куйган Роза апаларына, мәктәбебез директоры Лилия Мөхтәр кызына зур рәхмәт белдерәбез. Бәйрәм бик күңелле узды. Балачагыгыз күңелле, сөенечле мизгелләргә бай булсын. Җәйге ялларыгызның файдалы һәм мавыктыргыч узуын телибез.Бәхетле һәм сәламәт булыгыз, балалар!