Гаилә -рухи һәм әхлакый кыйммәтләрне саклаучы, ата-бабалар тәҗрибәсен ,тәрбиясен олы хәзинә итеп кадерләп торучы, буыннарны өзелмәс чылбыр белән бәйләүче.                                                                                                             Шул уңайдан, бүген башлангыч сыйныф укучылары һәм  әти-әниләр белән берлектә бик матур ,эчтәлекле бәйрәм уздырдык. Укучылар үзләренең матур чыгышлары белән бәйрәмне ачып җибәрделәр. Бәйрәм җырлар, биюләр, шигырьләр, теләкләр, уеннар, мәкаль һәм әйтемнәр белән үрелеп барды.                                                                            Фәнис Яруллинның "Кояштагы тап" исмеле хикәясенә әти-әниләр, укучылар белән берлектә бик төпле фикерләр алышу оештырылды. Шулай ук тәрбия, белем, гаилә, дуслык, бюджет темаларына да тукталдык. Бәйрәмгә әниләр иң тәмле ризыкларын пешереп алып килгәннәр, һәм шул чәй тәмнәрен яклау ,аларны пешерү ысулларын аңлату эшләре дә алып барылды. Жюри членнары да бу бәйрәмдә үзләренең төп фикерләрен әйттеләр. "Гаилә -җылы учак, ә балалар аның көзгесе ",- диде Фәридә Дөлфәт кызы. Шушы бәйрәмдә катнашкан һәр гаиләгә, бу бәйрәмне оештырган башлангыч сыйныф мөгаллимәләренә һәм укучыларына зур рәхмәтләрен белдерде Лилия Мөһтәр кызы.Бәйрәм бик күңелле узды. Бәйрәмдә җиңелүче булмады, тулы гаилә булып бәйрәмгә килгән Тимофеевлар гаиләсе билгеләп үтелде. Укучылар, сыйныф җитәкчеләре, әти-әниләр белән истәлеккә фотога төштек. Бәйрәм ахырында тәмле ризыклар белән гөрләшеп, бик күңелле итеп чәй эчтек.                                                                              "Мондый бәйрәмнәр ешрак булсын иде, бигрәк күңелле булды ",-дип таралыштык.                                                              Матур һәм эчтәлекле бәйрәм киче бүләк иткән укучыларга,  оештыручы сыйныф җитәкчеләре Диләрә һәм Флүрә апаларга , ата-аналар коллективыннан зур рәхмәтләр юллыйбыз. Сезгә сәламәтлек, җан тынычлыгы,сабырлык, җаваплы хезмәтегездә зур уңышлар гына телибез! Зур рәхмәт сезгә!