Бүген, 13 февраль көнне, башлангыч сыйныф укучылары белән "Без Россия гражданнары" темасы буенча парламент дәресе уздырылды. Дәрестә "Россия бөтен дөньяда" исемле чираттагы мөһим мәсьәләләр дәресе материаллары да кулланылды. Укучылар Россия турындагы белемнәрен тирәнәйттеләр, Татарстаныбыз турында да белгәннәрен исләренә төшерделәр. Россиянең иң зур һәм бик матур ил булуы, дөньяда бик күп ачышларның безнең илебез тарафыннан эшләнүе укучыларда горурлану хисләре уятты. Алга таба туган ягыбызның үсешенә, тыныч тормышта яшәвенә үзебезнең өлешне кертү өчен тырышып укырбыз, илебезнең лаеклы шәхесләре булып үсәрбез, дигән ышаныч белдерделәр.