Бүген Салагыш башлангыч сыйныф укучылары белән " Коррупция- нәрсә ул" дигән темага тәрбия сәгате узды. Коррупциянең үз мәнфәгатьләрендә, шулай ук башка затлар мәнфәгатьләрендә шәхсән үзләре яисә арадашчылар ярдәмендә законсыз рәвештә мөлкәти байлыклар һәм өстенлекләр алу, алардан файда күрү икәне анлатылды. Коррупциянең килеп чыгу сәбәпләре, аның зур җинаять икәне, кайларда булырга мөмкин икәне дә азсызыкланды. Соңыннан " Артык укучы" уены уйнатылды. Анда уен кагыйдәсе буенча чыгып китәргә тиешле укучы акча тәкъдим итеп, уенда калды һәм нәтиҗәдә җиңүче булды. Уенның максаты: укучыларның уенны алып баручыга ризасызлык белдерүләре. Укучылар коррупция турында аңлаганнарын бу темага плакат ясап күрсәтергә, дигән карарга килделәр