Бүген Салагыш башлангыч сыйныф укучылары "Өлкәннәр көнен" билгеләп үтте. Бәйрәм тантанасына балалар әби - бабаларын чакырдылар.  Чарада бу зур хөрмәткә тиңләшкән көннең килеп чыгу тарихы белән таныштырылды. Котлауда җыр, шигырь, сәхнәләштерелгән әкият, бүләк отуга нигезләнгән табышмаклар, һәр баланың үз әбисе турында матур чыгышы, үз куллары белән әзерләнгән эшләнмәләр бүләк итүе дә өлкәннәргә сөенеч китерде. Алар тарафыннан әйтелгән рәхмәт сүзләре балаларның тырыш хезмәтенә бәя булып яңгырады.                                              Өлкәннәргә хөрмәт күрсәтүдән әниләр дә читтә калмады. Бәйрәмнең йомгаклау өлешенә тәм -  томнар белән табын әзерләделәр. Бәйрәм чәй өстәле янында төгәлләнде.