7 май көнне Бөек Җиңүгә багышланган митингны авыл башындагы һәйкәл янында башлап җибәрдек. Бу һәйкәл гражданнар сугышы вакытында халык бәхете өчен көрәшкән һәм һәлак булган авылдашларыбыз истәлегенә куелган. Халык хәтере- мәңгелек. Кайсы чорда гына булмасын, якты киләчәк өчен башларын салган каһарманнарны онытырга хакыбыз юк. Укытучы, укучылар һәм авылдашларыбыз катнашындагы "Үлемсез полк" колоннасы Бөек Ватан сугышында катнашкан каһарманнарыбызның исемнәре уелып язылган һәйкәл янына юнәлде. Һәйкәл буена венок һәм чәчәкләр салдык, 1 минут тынлык белән илебез аазатлыгын яклап сугышкан авылдашларыбызны искә алдык. Бөек Җиңүнең 77 еллыгына багышланган бәйрәм шигырьләр, җырлар, биюләр белән дәвам итте. Үзләреннән зур өлеш керткән укучыларга, укытучыларга зур рәхмәт.