Менә тагын җиргә май ае килде. Язлар җиткән саен сагыш та, сагыну да арта. Халкыбызның батыр уллары канлы сугыш кырларында яулап алган җиңү бәйрәменә 77 ел тула. Шул уңайдан 8 нче сыйныф укучылары белән, бәйрәмгә әзерлек эшләре алып бардык. Авылыбыз Салагыш башында куелган һәйкәлгә бардык, чүпләрдән чистарттык, җир казып, чәчәкләр чәчтек. Укучылар бик тырышып эшләделәр. Тиздән зур бәйрәм. Авылыбыз һәйкәлләре бәйрәмгә әзер. Туган җирләре өчен башларын салган бу батырларны онытырга безнең хакыбыз юк. Алар безнең белән, безнең арада. Һәйкәлләргә килик, гөлләр салыйк!