Салагыш башлангыч сыйныф укучылары "Рәхмәт, сиңа Әлифба" баш астында бәйрәм уздырдылар. Бәйрәм бик мавыктыргыч булды. 1 нче сыйныф укучысы  Ямалиева Иделия "Әлифба"ны тәмамлап, "Туган тел" һәм " Әдәби уку" фәннәрен үзләштерә башлаган иде инде.  Иделия укырга, язарга, матур итеп сөйләргә өйрәнде.  2 нче, 3 нче сыйныф укучылары аны беренче җинүе белән тәбрик иттеләр. Ә Иделия алган белемнәрен күрсәтте. Бәйрәмдә укучылар хәреф танырга өйрәткән "Әлифба" дәреслегенә чын күңелдән рәхмәт әйттелар. Аның килеп чыгу тарихы белән дә таныштылар. Бергәләп киңәшләшеп, "Хәрефләр музее" төзергә карар кылдык.  Һәр укучы бер хәреф турында проект эше эшләде һәм аны яклады. Укучылар ясаган хәрефләрен "Хәрефләр музее" на тапшырдылар. Алдагы 1 сыйныф укучылары бу эшне дәвам итәчәкләр, дигән карарга килдек. Бәйрәм җыр, шигырь, уеннар белән үрелеп барды. Ул барлык укучыларның күңелләрендә озак сакланыр.