Салагыш башлангыч сыйныф укучылары белән "Исемең синең билгесез, батырлыгың мәңгелек" темасы астында тәрбия сәгате үткәрелде. Беренче тапкыр безнең илдә бу датаны 2014 елның 3 декабрендә билгеләп үттеләр. Нәкъ  бу көнне 1966 нчы елда Мәскәү астында немец- фашист гаскәрләрен тар- мар итүнең 25 еллыгы уңаеннан, Ленинград шоссесының 41 нче километрындагы совет сугышчыларының туганнар каберлегеннән билгесез солдат җәсәде Мәскәү Кремле стенасы буендагы Александров бакчасына кайтарып җирләнде. Укучыларга бу истәлекле көннең мәгънәсе- сугыш хәрәкәтләрендә һәлак булган, исемнәре билгесез калган солдатларның сугышчан һәм үлемсез батырлыкларын хәтерләүне мәңгеләштерү икәне аңлатылды. Ватаныбызны сакланган һәм фронтларда һәлак булган һәр солдатны хәтерләргә, аларны хөрмәтләп искә алырга бурычлы икәнебез турында искәртелде. Солдат батырлыгы беркайчан да онытылмаячак!