Һәр кешенең күңелендә үз туган ягы, аның кешеләре белән горурлану хисе булырга тиеш. Шушы максатны күздә тотып, "Пушкин картасы" проекты, Туган телләр һәм халыклар бердәмлеге елы кысаларында, Салагыш урта гомуми белем бирү мәктәбе укучылары белән Иж – Бубый мәдрәсәсенә экскурсия оештырдык. Элеге экскурсия барышында балалар мәдрәсә тарихы, бертуган Бубыйларның халкыбыз өчен эшләгән бәхәссез хезмәтләре турында бик бай мәгълүмат тупладылар.
Алдагы тукталыш Әгерҗе шәһәре мәдәният йортында булды. Анда И.Закировның “Онытмаска иде үткәнне” дип исемләнгән пьесасын карадык. Минзәлә театры артистлары тарафыннан сәхнәләштерелгән әдәби драматик хәтирәне балалар ,бирелеп, елый-елый карадылар. Залдан чыкканда хисләр ташыган иде. “Үткәнен белмәгәннең киләчәге юк”, - ди халык. Балалар бу сүзләрнең хаклыгына тагын бер кат ышандылар.
Гомумән, әлеге сәяхәт һәр баланың күңелендә матур, якты истәлек булып калды.