Туган телләр һәм халыклар бердәмлеге елы кысаларында 24 сентябрьдә 5-6 сыйныф укучылары белән Милли киемнәр көненә багышланган класс сәгате үткәрелде. Балалар төрле халыкларның милли кием үзенчәлекләре белән таныштылар.
Аннары татар халкының баш киемнәре, аяк киемнәре, бизәнү әйберләре турында информация бирелде. Татар халкы элек-электән үк матур итеп киенгән. Аның өйдә кию өчен бер төрле киеме булса, кунакка, кешеләр янына чыгарга икенче төрле киемнәре булган. Татар хатын-кызлары матур күлмәк, күлмәк өстенә камзул, башларына калфак, аякларына читекләр кия торган булганнар. Бу киемнәрен алар тагын алка, беләзек, йөзек, чәчләренә чулпы такканнар. Чараның максатлары: укучыларны төрле халыкларның милли киемнәре белән таныштыру; укучыларда игътибарлылыкны үстерү; татар халкына ихтирам, горурлык һәм зәвык хисләре тәрбияләү. Милли киемнәребез тарихын онытмаска, саклап калырга тырышырга кирәк.