Республиканың күпмилләтле халыклары бердәмлеге мәсьәләсенә зур игътибар биреп, 2021 ел Татарстанда туган телләр һәм халыклар бердәмлеге елы дип игълан ителде.
Салагыш урта мәктәбенең Уразай авылы мәктәбендә укучылар белән халыклар бердәмлегенә багышланган сыйныф сәгате үткәрелде. Бу чарада нәкъ менә халыкның бердәмлеге иң катлаулы, авыр вакытларда ил язмышын хәл итүе һәм зур җиңүләргә ирешүгә нигез булуы һәм бүген илебезнең төп хәзинәсен тәшкил иткән, күп төрле гореф-гадәтләргә, йолаларга, мәдәниятләргә, телләргә, дини карашларга ия булган халкыбыз шулай ук бердәмлеккә, тынычлыкка һәм татулыкка омтылып яшәве турында сөйләнелде. Бүгенге көндә уздырылучы кышны озату бәйрәмнәре( Май чабу, Нәүрүз) искә төшерелде. Нәүрүз турында җырларны җырлап балалар бәйрәмнәргә багышлап рәсемнәр ясадылар.