Инвалидлар декадасында Салагыш мәктәбенең мәктәпкәчә төркем  коллективы да читтә калмады. Уйлаштык та, иң талантлы балаларыбыз белән инвалид апаларыбызга бәйрәм ясарга булдык , җыенып өйләренә бардык. Гибадуллина Филия ,Султанова Әлфия,Хуҗина Флүрә апалар безне шатланып, якты йөз белән каршы алдылар. Безнең концерт номерларыбыз апаларыбыз күңеленә   бик хуш килде. Аларның күзләрендә хәтта яшьләр дә күренде .Бу сөенеч яшьләре, чөнки шушы гөнаһсыз сабыйларның чын күңелдән җырлап-биюе алар өчен зур шатлык иде.Безне алар рәхмәтләр әйтеп озаттылар,тагын килүебезне теләп калдылар.Шушы очрашудан балалар да , без –тәрбиячеләр дә бик канәгать калдык.Тагы очрашырга язсын,сәламәт булыгыз кадерле апаларыбыз.