11 октябрь көнне мәктәптә химия фәненнән олимпиада узды. Сынауларда 8, 9 сыйныф укучылары катнашты.

Бүген мәктәптә 6-11 сыйныф укучылары өчен география фәне буенча Бөтенрәсәй мәктәп туры олимпиадасы үткәрелә. 

2017 нче ел Россия күләмендә экология елы булуы уңаеннан мәктәбебезнең биология укытучысы Султанова Ф. Д. экологик дәрес үткәрде. Дәрес кысасында 6, 7, 8 класс укучылары экологик темага багышланган видеороликлар карадылар һәм 2 командага бүленеп, табигать белән бәйле белемнәрен сынадылар.

3 нче октябрь көнне 6-11 сыйныф укучылары арасында экологиядән олимпиада уздырылды. Укучылар үзләренең экология курсы буенча алган белемнәрен күрсәттеләр.

25 нче сентябрь көнне Салагыш мәктәбендә тарих фәненнән олимпиада уздырылды. Олимпиадада 29 укучы катнашты. 6 класс укучысы Ибрагимова Инзилә һәм 7 класс укучысы Мингулова Алинә җиңүче булдылар.

2016-2017нче уку елы чыгарылыш сыйныф укучылары бердәм дәүләт имтиханнарын уңышлы тапшырып кулларына өлгергәнлек аттестатлары алдылар. 11нче сыйныфны 3 укучы тәмамлады: Солтанова Сәрия (рус теле – 86 б.), Муллахмитова Гөлдәния (рус теле – 78 б.) һәм Баһаутдинов Илназ (рус теле – 96 б., җәмгыять белеме – 90 б., тарих – 96 б.). Гел “5” билгеләренә генә укыган Гөлдәния белән Илназ Россия Федерациясенең  “Укуларындагы уңышлары өчен” медаленә лаек булдылар. Имтиханнарын югары балларга тапшырган Илназга Татарстан Республикасы медале дә тапшырылды. Булдырдыгыз, укучыларыбыз. Без сезнең белән горурланабыз!