ПАРЛАМЕНТ ДӘРЕСЕ - 201724.10.2017

Кадыбаш  мәктәбендә парламент дәресләре үткәрелде.Әлеге чарада 1нче- 11нчы  сыйныф укучылары катнашты. Укучылар алдында тарих- җәмгыять белеме дәресе укытучысы Салихова А.К  чыгыш ясады. Законнар ничек туа? Ничек гамәлгә керә? Менә шундый сорауларга җавапны үз эченә алган чыгышны балалар, яшүсмерләр зур игътибар, кызыксыну белән тыңладылар. Парламент дәресенә чакырылган район  Советы депутаты Рамазанов И.Г укучылар белән кызыклы әңгәмә үткәрде. Башлыча сүз Татарстан парламенты, «Конституция – илнең төп законы», РФ һәм ТР дәүләт органнары, депутатлар турында барды. Чыгыш-әңгәмәләрдән соң мәктәп укучыларына ТР Дәүләт Советы эшчәнлеге турындагы видеосюжет тәкъдим ителде. Ул алган белемнәрне ныгытырга, тирәнтен төшенеп аңларга ярдәм итте. Дәреснең йомгаклау өлешендә сүз мәктәп директоры, Рашитова Ф.Х. бирелде. Әлеге дәрес  вакытында укучылар бик күп кызыклы мәгълүмат туплый алдылар. Дәрес вакытында «Татарстан Конституциясе кабул ителүгә 25 ел» исемле видеофильм, махсус презентацияләр күрсәтелде. Гомумән алганда, парламент дәресе мәктәп укучыларында якты тәэсирләр калдырды.

►Татарстан Республикасы Конституциясен кабул итүнең 25 еллыгына (видео.mp4)

2017 елның 6 ноябрендә Татарстан Республикасы Конституциясе кабул ителүгә 25 ел тула. Республиканың төп документын әзерләүнең һәм кабул итүнең иң мөһим этаплары турында үзләренең хатирәләре һәм фикерләре белән республика тормышы өчен үтә дә әһәмиятле булган вакыйгада катнашкан шәхесләр – Дәүләт Советы Рәисе Фәрит Мөхәммәтшин, академик Индус Таһиров, 1990-1995 еллардагы Татарстан Республикасы Верховный Советы депутаты Мөнир Әһлиуллин уртаклашты.

Конституция турында төп нигезлəмəлəр (*.pdf) →

Татарстан Республикасы Дәүләт Советы сайты ⇒