Әлифба – баланың беренче уку китабы . Мәктәп бусагасын атлап кергәч тә ул туган телебез хәзинәсен шушы китап ярдәмендә өйрәнә башлый. Әле 1 нче сентябрь иртәсендә генә мәктәп бусагасын тәүге мәртәбә атлап кергән нәниләр бүген беренче җиңүләрен бәйрәм итәләр. Аларга хәрефләр тану, алардан иҗекләр, сүзләр төзү, укырга өйрәнү җиңел булмады. Тик алар югалып калмадылар, тырыштылар. Бүген сыйныфтагы һәр бала укый белә. Иң беренче эш итеп алар үзләре белән таныштырдылар, аннары төрле уеннар ярдәмендә белемнәрен, осталыкларын күрсәттеләр. Бәйрәм шигырьләр, җырлар, ял минутлары белән үрелеп барды. Балаларының осталыкларын күрергә әти-әниләре дә килгән иде. 1нче сыйныф укучылары ярты уку елы дәвамында алган белемнәрен уеннар аша кабатлап үттеләр. Бәйрәм бик күңелле узды!