20 нче йөз башында мөселман дөньясының атаклы мәгърифәтчеләре бертуган Бубилар исемендәге  укучыларның 1 нче укуларында Әгерҗе, Менделеев, Минзәлә районнары, Ижау шәһәреннән укучылар һәм укытучылар катнашып, фәнни-эзләнү эшләре белән көч сынашты. Укулар 5 юнәлештә: "Туган ягымда Буби эзләре", "Бертуган Бубиларның педагогик эшчәнлеге", "Мәгърифәтче хатын-кызлар - рухи байлык таратучылар","Мәктәп һәм авыл музейларының роле", "Мәгарифне үстерүдә иганәчеләрнең роле" дигщн темаларга багышланды. Укуларның 2 нче турында катнашучылар,  үзләре эшләгән эшләрне  мәртәбәле жюри каршында якладылар. Жюри составында Казан  Федераль университеты доцентлары А..Х.Мәхмүтова, Г.Р.Гайнуллина, КФУның Алабуга филиалы доценты Г.Ф. Даутов, Ижау педагогия көллияте укытучысы Хакимова В.Х. ,"Бубилар мирасы " оешмасы җитәкчеләре, Мәгариф бүлеге хезмәткәрләре, Иж-Бубый мәктәбенең ветеран укытучылары, музей хезмәткәрләре бар иде. 2 турда катнашучыларга шаһәдәтнәмә, җиңүчеләр 1,2,3 дәрәҗә дипломнар белән бүләкләнде.