13нче апрель көнне мәктәптә Мәгърифәтче  Бубилар истәлегенә багышланган  IV төбәкара укулар оештырылды. Һәр кабинетта укытучылар, укучылар, ата-аналар тарафыннан оештырылган күргәзмәләр эшләде. Күргәзмәләр мәктәп эшчәнлеген күрсәтте. Укуда катнашучылар диплом, сертификат һәм “Бубыйлар мирасы” оешмасының рәхмәт хатлары  белән бүләкләнделәр. Узган  укулардан аермалы буларак, быел катнашучыларга Ркаил Зайдулланың “Үлеп яратты” драмасыннан сәхнәләштерелгән өзек тәкъдим ителде. Шулай ук, Бубый укулары Алабугадагы КФУ филиалы доценты Даутов Г.Ф., Удмуртия педагогигия көллияте укытучысы Харисова В.Х. һәм Университет талантов “Тренинг - класс” координаторы Валиуллина Д.А.  катнашында узды, алар укучыларның эшләренә югары бәя бирде һәм укучылар елдан – ел үз төбәгенең тарихын һәм гореф-гадәтләрен өйрәнүне фәнни-эзләнү эшләрендә ассызыкладылар. Җитәкчеләр өчен ачык ишекләр көне үткәрелде. Анда милли укыту системасы һәм "Мәктәп - Иж-Бубый мәдрәсәсенең тарихи һәм мәдәни мирасын саклау буенча ресурс үзәге" дигән мәктәпнең үсеш программасы тәкъдим ителде.