Әле 1 сентябрь иртәсендә генә мәктәп бусагасын тәүге тапкыр атлап кергән  нәни дусларыбыз беренче җиңүләрен бәйрәм иттеләр. Әйе ,хәрефләрне тану , иҗекләп укырга өйрәнү җиңел булмады. Әмма алар тырыштылар. Балаларның барысы да укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр. Шул уңайдан, 1 нче сыйныфның ата-аналар комитеты ярдәмендә "Әлифба бәйрәме" үткәрелде. Балалар белән аларның чыгышлары үрелеп барды. Шигырь сөйләү, җыр-бию, төрле биремнәр үтәү, белемнәрне сынау ярышлары бәйрәмне тагын да күңелле итте.