Бүген мәктәптә волейбол ярышлары булды.  Бима, Күләгеш, Исәнбай мәктәбенең укучылары ярышты. Егетләр арасында 1 нче урын -Исәнбай, 2 нче урында -Биме, 3 нче урында -Күләгеш мәктәбе . Кызлар арасында 1 нче урында- Биме, 2 нче урында - Исәнбай, 3 нче урында - Күләгеш мәктәбе командалары. Исәнбай , Биме мәктәбе укучыларына районда уңышлы чыгыш ясауларын теләп калабыз!

Бүген мәктәптә елка бәйрәмнәре башланды.  Бүген - профсоюз ёлкасы булды.  Балалар Кыш бабайга үзләренең һөнәрләрен күрсәттеләр. Җыр - биюгә үрелеп барган тамаша һәркемнең күңелендә канәгатьләнү хисе  һәм  киләсе елга өмет уятты. Бәйрәмне оештыручыларга зур рәхмәт!

Укучылар, укытучылар, мәктәп хезмәткәрләре тырышлыгы белән кардан төрле сыннар ясадык.Тәгәрәтеп ак карны ясадык кар бабайны. Бүген көннең җылы булуыннан файдаланып, без мәктәбебез алдын төрледән-төрле матур сыннар белән бизәдек. Барлык класс укучылары да тырышып эшләделәр, фантазияләрен эшкә җигеп, берсеннән-берсе матур сыннар ясадылар. Безне көн саен иртән үзебез ясаган Кыш бабай һәм Кар кызы каршы ала. Бизәлгән чыршыларыбыз күңелләребезгә Яңа ел кәефе кертте.

10 нчы сыйныф укучысы Хуҗина Зәринә КФУ, Бөтендөнья татар конгрессы, Татарстан язучылар берлеге тарафыннан үткәрелгән “Илһамлы каләм” конкурсының 1 нче этабын уңышлы үзып, икенче турында катнашты һәм  IXБөтенроссия ““Илһамлы каләм”әдәби әсәрләр конкурсы Рәхмәт хатына лаек булды.

10 нчы сыйныф укучысы Хуҗина Зәринә,  КФУ ның Л.Толстой исемендәге филология һәм мәдәниятара багланышлар институты гомуми урта белем бирү оешмаларының 9-11 сыйныф укучылары һәм югары уку йорты студентлары арасында үткәрелгән Бөтенроссия “Шигъри Сабантуй-2016” фестивалендә Җиңү яулады. Зәринәне һәм аның укытучысы Гөлназ Рафисовнаны котлыйбыз!

Бүген мәктәптә мини -футбол буенча ярышлар булды.

14нче декабрь көнне Иж- Бубый урта гомуми белем бирү мәктәбендә  4-6 класс укучылары арасында Укучыларның Бертуган Бубилар исемендәге  I районкүләм “Яшь белгеч” предметлар олимпиадасы  узды.  Бу олимпиадада безнең мәктәптән Хабирова Ралина (5 класс)  бик яхшы нәтиҗә күрсәтеп   Җиңүче булды һәм I дәрәҗә Диплом белән бүләкләнде.  Ямалиева Илзирә дә (6 класс)  яхшы нәтиҗә белән сертификатка лаек булды. Котлыйбыз!

С.Ф. Тютеев - кавалер Ордена Красной Звезды и Ордена Знак Почёта. Участвовал в сражениях на Курской Дуге, Корсунь-Шевченковской операции, в освобождении Румынии, Венгрии. День Победы встретил в Будапеште. Участвовал в разгроме милитаристской Японии. После войны более 27 лет работал секретарем партийной организации колхоза «Рассвет», внёс большой вклад в развитие сельского хозяйства, инфраструктуры села Исенбаево. Желаем Сагиту Фассаховичу здоровья, хорошего настроения.

Гөлзадә Әхтәмованың "Соңгы ветеран" шигыре ( Сагит Фассах улына багышлана) 

3 декабрь - тарихи дата итеп «Билгесез солдат көне» - яу кырларында башларын салып, билгесез калган сугышчыларны искә алу көне итеп билгеләнде. Шул уңайдан безнең мәктәптә дә “Билгесез солдат истәлегенә”-линейка үтте.Хәтер Китабына исемнәре кертелеп тә, яу кырында башын салган иренең, әтисе-абыйсының кайда һәлак булуы, кая җирләнүе турында бүгенге көнгә кадәр бер мәгълүмат белмәүчеләр бик күп. Билгесез солдатның каберенә дә: “Синең кем булуың билгесез. Әмма батырлыгың  үлемсез” дип язылган. Мәктәп укучылары билгесез солдат һәйкәленә чәчәкләр куйдылар.

Кичә, 25 ноябрь көнне районыбызда укучылар арасында шахмат турниры булды. Шахмат буенча үз яшьтәшләре арасында безнең мәктәпнең 8 нче сыйныф укучысы Эльза Хәкимова беренче урынны, 4 нче сыйныф укучысы Непомнящих Виктория  икенче урынны яуладылар. Кызларны һәм аларның тренеры Аюп Шариповичны чын күңелдән котлыйбыз!