Электронное образование Республики Татарстан

Мәктәбебез бакчасында җәйге практика гөрли!

Җәйге каникул вакытында да мәктәп тормышы дәвам итә! Укучыларыбыз мәктәп бакчасында җәйге практикада актив катнашалар. Хезмәт күнекмәләре алучы 6 нчы сыйныф укучылары икенче икмәк- бәрәңге җирен тагын бер кат чүптән арындырдылар. Шулай ук алар теплицадагы помидорларга сулар сибәләр,

чәчәкләрне тәрбиялиләр, бакчаны чүп үләннәреннән чистарталар. Бу эш барышында балалар хезмәт сөючәнлеккә өйрәнәләр, табигатьне яратырга һәм сакларга күнегәләр. Мәктәп бакчасы укучыларыбызның тырышлыгы белән көннән-көн матурлана!

Бүген, 9 нчы сыйныф укучылары кулларына өлгергәнлек аттестатлары алдылар.

Кабатланмас мәктәп елларыгыз –

Алар инде артта калалар.

Очар кошлар кебек оягыздан

Сез дә китәсез бит, балалар.

 

Мәктәп сукмаклары артта кала,

Көтә яңа юллар, калалар.

Алда сезне олы сәфәр көтә,

Юлыгыз уң булсын, балалар.

 

Сикәлтәле тормыш сукмакларын

Җиңел үтә сабыр, чыдамнар.

 

Төрле чаклар булыр, бирешмәгез

Язмыш җилләренә, балалар.

 

Тормыш – сынау, гомер иткән чакта

Сыната күрмәгез, балалар!

 

Сез төзисе тормыш матур булсын,

Бәхетле булыгыз, балалар!

 

Саклый күрсен изге фәрештәләр

Хәвеф-хәтәр, бәла-казадан,

Начар иптәш, яман гадәтләрдән

Саклана күрегез, балалар.

 

Бәхетегез дә, язмыш юлыгыз да

Үзегездән тора, балалар.

Зур өметләр баглап озатабыз,

Аклагыз сез аны, балалар!

 

 

 

1941 елның 22 июне илебез хәтерендә иң авыр көннәрнең берсе булып саклана. Тарих битләренә Бөек Ватан сугышы башланган дип язылган көн безнең өчен Хәтер көне. 22 июньдә, Хәтер һәм кайгы көнендә, бөтен ил күләмендә Бөек Ватан сугышы вакытында Ватанны яклап һәлак булганнарны искә алып шәмнәр кабына... Акциянең максаты - Бөек Ватан сугышында һәлак булганнарны искә алу, үсеп килүче буында патриотик хисләр тәрбияләү, сугыш елларында булган ачы вакыйгаларны тирән аңлату. 

Беркемгә дә сугыш афәте күрергә язмасын. Күкләребез аяз, илләребез тыныч булсын!