Язлар җитүгә Татар халкы бөек улы Габдулла Тукайның туган көнен билгеләп үтә. Бу көнне балалар бакчалары, мәктәпләр, китапханәләр шагыйрьгә багышланган чаралардан гөрләп тора. Шигырь кичәләре, бәйгеләр, әкиятләр сәхнәләштерү, очрашулар, татарның бөек улы  иҗатын һәм тормышын чагылдырган күргәзмәләр һәм башка бик күп чараларны санап китеп була.  “Шатлык” балалар бакчасы әлеге чаралардан читтә калмый. Иң элек балалар өчен Г.Тукайның әкиятләрендәге геройлар белән викторина, алга таба шигырь бәйгесе үтте. Балалар ике телдә үзләре теләгән әсәрләрне ятлап, аларны тамашачыга тәкъдим итте. Җиңүчеләрне билгеләү бик авыр булды, чөнки катнашучылар һәм матур итеп әсәрне башкаручылар күп булды. Алга таба да балаларга уңышлар телибез!